BASA SUNDA JEUNG BASA BANJAR (KALIMANTAN)

Basa Banjar téh basa sélér bangsa Banjar di Kalimantan Selatan. Kaasup basa Austronésia rungkun basa Malayu anu sadapuran jeung basa Sunda, basa Jawa, basa Bali, jsb. Anu matak tong anéh upama aya sawatara kecap basa Banjar anu sarua jeung basa Sunda, ngunikeunana aya anu sarua pisan aya anu méh sarua; ari hartina mah henteu béda. Kaasup sawatara istilah anu sarua, anu salila ieu karasa “nyunda” saperti cangkaruk, pamali, turiang, uyah, katulah, masigit, jeung walanda. Malah kapamalianana ogé loba anu sarua deuih. Keun sual pamali mah urang guar sa deui engké.
Di handap aya béréndélan sawatara kecap basa Banjar anu sarua jeung basa Sunda (basa Banjar = basa Sunda).
- abah = abah, bapa
- ahad = ahad
- alih = alih, ngalih lemesna tina pindah
- amang = amang, emang, paman
- ampar = ampar
- amun, mun = lamun, mun
- anum = anom, ngora
- andika = andika, anjeun
- angsul = angsul, angsulan; pamulangan
- apik = apik
- arum = arum, harum
- asa = asa
- atawa = atawa
- awak = awak
- ayunan = ayunan
- babacaan = babacaan
- badawang = badawang (penyu)
- bahari = bihari
- banyu = banyu (cai)
- buhul = buhul
- bujang = bujang, jajaka
- bumbunan = embun-embunan
- buntut = buntut
- buyut = buyut, uyut
- cacak = cakcak
- cancut = cangcut
- cangkaruk = cangkaruk
- cangkir = cangkir
- caram = carem
- carucuk = carucuk
- caruk = caruk
- dadampar = dadampar
- dangkak = dangkak
- dawa = dawa, tuduh
- dugal = dugal
- éncér = éncér
- éngsél = éngsél
- énténg = énténg
- épok = épok
- gancang = gancang
- gantang = gantang; sagantang
- géol = géol
- gingsul = gingsul
- gisik = gisik
- giwang = giwang, anting
- guha = guha
- handap = handap
- hangit = hangit
- hanyar = anyar
- hayam = hayam
- ilat = ilat, létah
- jariji = jariji, ramo
- kabisaan = kabisa
- kampil = kampil
- kangkalung = kangkalung, kongkorong
- kapiting = kapiting
- kasumba = kasumba
- katulahan = katulah
- kijing = kijing
- kiwa = kiwa, kénca
- kutang = kutang
- lading = lading, péso
- lapak = lapak
- lawang = lawang
- lawas = lawas, lila
- la’ang = lahang
- limpas = limpas
- luang = luang
- lulun = lulun
- luput = luput
- mangkir = mangkir
- masigit = masigit
- miris = miris, bocor
- muhara = muhara
- ngaran = ngaran
- nginum = nginum
- nguliat = nguliat
- nini = nini
- obah = obah
- pais = pais
- pamali = pamali
- pantar = pantar
- parada = parada, paradah
- payu = payu
- pikul = pikul, ukuran beurat paré
- punah = punah
- pupur = pupur
- ragap = ragap
- sahang = sahang
- sambat = sambat
- sangu = sangu, bekel
- silih = silih, ganti
- sumpal = sumpal
- sungkal = sungkal
- tihang = tihang
- turiang = turiang
- tutuh = tutuh
- unggut = unggut
- urang = urang
- uyah = uyah
- wadah = wadah
- waja = waja
- walanda = walanda
- waluh = waluh
- wani = wani
- warang = warang, lemesna tina bésan
- waras = waras
- wayah = wayah, mangsa.

Poto: Gadis R.A. keur ngahaleuangkeun lagu Banjar anu judulna “Pamali”.