NULISKEUN NGARAN

Ngaran téh rupa-rupa. Aya ngaran jelema, ngaran tempat, ngaran mangsa, ngaran jenis, jsb. Kumaha cara nuliskeunana? Dumasar kana Pedoman Umum Ejaan Bahasa Indonesia anu diterbitkeun ku Kemendikbud taun 2016 mah, kieu:
1. Ngaran Jelema
Nuliskeun ngaran jelema dimimitian ku aksara gedé.
Contona:
- Ajat Sudrajat
- Maman Sulaéman
Lamun maké gelar, gelarna ditulis ku aksara gedé.
- Radén Sastramanggala, disingget R. Sastramanggala
- Radén Haji Didin Saridin, disingget R.H. Didin Saridin.
- Doktor Kiai Haji Latipudin, disingget Dr. K.H. Latipudin
- Hajah Markonah, Sarjana Hukum, disingget Hj. Markonah, S.H.
Lamun boga pangkat atawa jabatan, ditulis ku aksara gedé.
- Kopral Udung.
- Létnan Jénderal Radén Sundana, disingget Létjén R. Sundana
- Gubernur Jawa Barat Ahmad Héryawan
- Menteri Kelautan dan Perikanan Susi Pudjiastuti
Lamun rék maké bin atawa binti, ngagunakeun aksara leutik.
- John Térry bin Salhiam
- Lady Gaga binti Alwasim
2. Ngaran Tempat
Nuliskeun ngaran tempat dimimitian ku aksara gedé.
- Kabupatén Purwakarta
- Kota Bogor
- Provinsi Jawa Barat
- Désa Pasir Jaya
- Kacamatan Cigombong
- Kampung Gajud
- Dusun Singandaru
- Jalan Astana Anyar
- Propinsi Jawa Barat
Ngaran géografis ogé dimimitian ku aksara gedé.
- Gunung Salak
- Pasir Nagara Cina
- Walungan Citarum
- Situ Wanayasa
- Talaga Reumis
- Curug Cipurut
- Legok Macan
- Pulo Jawa
- Laut Kidul
- Selat Sunda
- Basisir Pangandaran
3. Ngaran Bangsa
Ngaran bangsa, sélér bangsa, atawa basa anu ditulis ku aksara gedé ngaran bangsana.
- sélér bangsa Sunda
- basa Sunda
- kasenian Sunda
- urang Ambon
- bangsa Indonésia
- bangsa Walanda
Tapi henteu kudu dimimitian ku aksara gedé upama kecap-kecap saperti:
- nyunda
- susundaan
- mamalayuan
- wawalandaan
- pangsundana
- kasundaan
Béda jeung kecap di handap:
- non-Sunda
- anti-Sunda
- pro-Sunda
4. Ngaran Mangsa
Ngaran mangsa saperti poé, bulan, jeung peristiwa maneuh atawa sajarah, ditulis ku aksara gedé.
- poé Ahad
- poé Salasa
- bulan Januari
- bulan Mulud
- bulan Puasa
- taun Hijrah
- taréh Maséhi
- Lebaran
- Lebaran Haji
- Muludan
- Rajaban
- Proklamasi Kamerdékaan RI
- Milangkala Kabupatén Purwakarta
5. Ngaran Jenis
Tah, di dieu anu matak kaliru téh. Ngaran jenis aya dua rupa, ngaran jenis alami jeung ngaran jenis anu geus dikokolakeun.
Ngaran jenis alami, ditulisna ngagunakeun aksara leutik, sanajan ngagunakeun ngaran wewengkon.
- taleus bogor
- hui cilembu
- jeruk bali
- domba garut
- jeruk garut
- hayam bangkok
- jambu bangkok
- embé banggala
- kuda ustrali
- salak pondoh
- sepat siem
- cau ambon
- badak jawa
- gajah sumatra
- jalak bali
Ngaran jenis anu meunang ngokolakeun (kaolahan, produksi, jsb), tempat asalna ditulis ngagunakeun aksara gedé.
- soto Bandung
- oncom Bandung
- tahu Sumedang
- dodol Garut
- asinan Bogor
- masakan Sunda
- empé-empé Palémbang
- peuyeum Bandung
- peuyeum Bendul
- saté Madura
- kécap Majaléngka
- kenténg Jatiwangi
- keramik Pléréd
- batik Tasik
- batik Jogja
- batik Trusmi
- sarung Majalaya
- tauco Cianjur
- payung Tasik
- teri Médan
- rendang Padang.

Poto: taleus bogor.